نێچیرڤان بارزانی، سەرۆکی هەرێمی کوردستان بەبۆنەی یادی رێككهوتننامهى (11)ى ئازارى 1970وە پەیامێکی بڵاوکردەوە و دەڵێت، با له ههرێمى كوردستان ئهم ياده بكهينه دهرفهتى لێكگهيشتنى هاوبهشى لايهنه سياسييهكان بۆ تێپهراندنى كێشه و ناكۆكى تا پێكهوه ڕووبهڕووى ئاڵنگارييهكان ببينهوه.”
سەرۆکی هەرێمی کوردستان داوا لە لایەنە سیاسییەکان دەکات، بە لێکتێگەیشتنی هاوبەش دهسكهوت و مافه دهستوورييهكان و قهوارهى فيدراڵيى ههرێمى كوردستان بپارێزرێت.
نێچیرڤان بارزانی دەڵێت، “له عێراقيش پهند و وانه له ڕابردوو و مێژووى پڕ له ئازارى وڵات وهربگرين، دهستوور جێبهجێ بكهين و سيستمى فيدراڵى و مافهكانى ههموو گهلان و پێكهاتهكانى عێراق بپارێزين و به ڕوانينێكى هاوبهش بهرهو داهاتوو ههنگاو بنێين.”
ئاماژەی بەوەشکردووە، لهم يادهدا مێژووى و پڕ له نههامهتيى دهوڵهتى عێراق به بيرى ههمووان دههێنينهوه كه لۆژيكى هێز و بير و سياسهتى نكۆڵيكردن له مافهكانى گهلى كوردستان و پێكهاتهكانى عێراق بهگشتى، چ زيانێكى له وڵات داوه؟ پاشگهزبوونهوهى دهسهڵاتى ئهوساى عێراق له رێككهوتننامهكه، شهڕ و ماڵوێرانى و كارهسات و ناسهقامگيريى بهردهوامى بۆ عێراق و گهلانى بهدواى خۆيدا هێنا كه لێكهوتهكانى تا ئهمڕۆش بهردهوامن.
