دوو ڕاوچی لە دەریاچەی قرم لە ئەوپەڕی باكوری ئوسترالیا، كە بە زۆری تیمساحەكانی ناوی ناسراوە، پیاوێكی ڕووتیان دۆزییەوە و دواتر بۆیان دەركەوت لەلایەن دادگاوە داواكراوە، ئەو بۆ ماوەی چەند ڕۆژێك لەنێو دارستانەكاندا و بە خواردنی هەندێك كرم درێژەی بەو دۆخەی دابوو.
میدیا ناوخۆییەكانی ئەو وڵاتە ئاشكرایانكرد هەریەك لە كیڤن جۆینر و كام فاوست سەرقاڵی ڕاوكردنی ماسی بوون لە نزیك داروین، پایتەختی ویلایەتی نۆرزرن تیریتۆری، كاتێك گوێیان لە هاواری بەدەنگەوە هاتن لە پیاوێكەوە بوون كە بە قوڕ داپۆشراوە و برین بە جەستەیەوە بینراوە.
پیاوەكە هەڵلەرزیووە و پێویستی بە هاوكاری بووە، بۆیە دوو ڕاوچییەكە لەگەڵ خۆیاندا بردویانە و خواردنەوە و جلوبەرگیان پێداوە و گواستویانەتەوە بۆ نەخۆشخانە.
ڕاستەوخۆ پاش گەیاندنی بە نەخۆشخانە، هەردوو ڕاوچییەكە بۆیان دەركەوت ئەو پیاوەی لەنزیك دەریاكە ڕزگاریان كردووە لە دادگا هەڵهاتووە و هەوڵیداوە لەو جێیەدا خۆی بشارێتەوە پاش هەڵهاتنی لە پۆلیس.
پۆلیس-یش پاش دەستبەسەركردنی لە پرسێكی تایبەت بە هەڵكوتانی چەكداری ئاشكرایكرد، سەرەڕای دەستبەسەركردنەكە، بەڵام هێشتا لە نەخۆشخانە ماوەتەوە بۆ چارەسەركردنی ئەو دۆخەی خۆی بەسەر خۆیدا هێناوە.
