دیوانی وەقفی سوننی عێراق بڵاویکردەوە، ئەم ئێوارەیە بە چاوی ئاسایی و بە تلیسکۆب ئاستەمە مانگ ببینرێت، بۆیە سبەینێ دووشەممە تەواوکەری مانگی شەعبانە و رۆژی سێشەممە دەبێتە یەکەم رۆژی مانگی رەمەزان.
بەپێی نووسراوێکی دیوانی وەقفی سوننی عێراق کە وێنەیەکی لە میدیا عێراقییەکان بڵاوکراوەتەوە، ئێوارەی رۆژی یەکشەممە 10 ی ئازار ئاستەمە مانگ بە چاوی ئاسایی و بە تلیسکۆبیش ببینرێت، لەژێر رۆشنایی ئەوە رۆژی دووشەممە تەواوکەری مانگی شەعبانە و رۆژی سێشەممە دەبێتە یەکەم رۆژی مانگی رەمەزان.
نووسراوەکەی دیوانی وەقفی سونیی عێراق بەرواری 25 ی شوباتی بەسەرەوەیە، بۆیە تا ئێستا نازاندرێت بۆ ئێوارەی ئەمڕۆ هەمان بڕیاردەدەن یان نا.
