ئەمڕۆ ئاسیف عەلی زەرداری هاوسەری بێنەزیر بۆتۆ سەرۆک وەزیرانی کۆچکردووی پاکستان بۆ دووەمجار وەک سەرۆکی وڵاتەکەی هەڵبژێردرا.
میدیاکانی پاکستان بڵاویانکردەوە، لە میانەی هەڵبژاردنی دەستەی دەنگدەران کە پێکهاتووە لە ئەندامانی پەرلەمان و ئەنجومەنی چوار هەرێمەکە، ئایسف عەلی زەرداری توانی زۆرینەی دەنگەکان بەدەستبهێنێت و بۆ دووەمجار ببێتەوە بە سەرۆکی پاکستان.
زەرداری هاوسەری بێنەزیر بۆتۆ یەکەمین سەرۆک وەزیرانی ژن لە سەردەمی نوێی پاکستان بوو کە لە ساڵی 2007 کوژرا.
ناوبراو لە ساڵی 2008 و دوای کوژرانی هاوسەرەکەی بۆ یەکەمجار وەک سەرۆکی پاکستان هەڵبژێردرا و تا ساڵی 2013 لە پۆستەکەیدا مایەوە.
