پۆلیسی سلێمانی رایدەگەیەنێت، “لەسەر سكاڵای هاوڵاتییەك و لەلایەن مەفرەزەكانی بنكەی پۆلیسی چوارچراوە سێ تۆمەتبار دەستگیركران”.
بەڕێوەبەرایەتیی پۆلیسی سلێمانی لە راگەیەندراوێکدا ئاماژە بەوە دەکات، “دوای ئەوەی هاوڵاتییەك سكاڵای تۆماركرد كە لەلایەن چەند كەسێكەوە فێڵی لێكراوە و بڕی 13 ملیۆن دیناریان لێوەرگرتووە، هێزەكانی بنكەی پۆلیسی چوارچرا لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر توانرا سێ تۆمەتبار دەستگیربكرێن”.
دەشڵێت، “ئێستا ئەو تۆمەتبارانە بە بڕیاری دادوەر راگیراون و یەکێک لەو تۆمەتبارانە لەبنكەکانی پۆلیسی بەختیاری و ئازادی و بەشی پۆلیسی نەهێشتنی تاوان فەرمانی گرتنی هەبووە”.
