پسپۆڕێکی خۆراکی لوبنانی دەڵێت، “سوودەکانی خواردنی کونجی بێشوومارن، خواردنی دەتوانێت کەمی کالسیۆم، پڕ بکاتەوە زیاتر لەوەی ماست و پەنیر و بەرهەمەکانی شیر دەتوانن بیکەن.”
ڤێرا ماتا، پسپۆڕی خۆراکی لوبنانی باسی لەوەکردووە، کونجی رێژەیەکی بەرزی زینکی تێدایە، بەرگری جەستە بەهێزدەکات و بەرەنگاری نەخۆشییەکان دەبێتەوە و بەرهەمهێنانی کۆلاجینی جەستە زیاددەکات کە تەندروستی پێست و قژ باشتر دەکات.
زۆرێک لە توێژینەوەکان پشتڕاستیان کردووەتەوە کونجی کاریگەری بەرچاوی هەیە لە باشترکردنی کارایی سیستمی بەرگری جەستە و توانای بەرەنگاربوونەوەی نەخۆشیەکان و هۆکارەکانیان، وەک ئەنفلۆنزا و هەڵامەت و ئەوانی دیکەش.
لەلایەکی دیکەشەوە، رۆڵی هەیە لە دابەزاندنی بەرزی پەستانی خوێن، ئەمەش ئەگەری توشبوون بە جەڵتەی مێشک و جەڵتەی دڵ کەمدەکاتەوە و ئاستی چەوری و کۆڵیستڕۆڵی خوێن دادەبەزێنێت.
