توێژینەوەیەکی زانستی نوێ سەلماندوویەتی سیستەمی خۆراکی رووەکی دەتوانێت مەترسی تووشبوون بە شێرپەنجە لە پیاواندا بە تایبەت شێرپەنجەی ریخۆڵە کەمدەکاتەوە.
بە پێی توێژینەوەیەکی نوێ کە لە زانکۆی کیۆنگ هی ی کۆریای باشوور ئەنجامدراوە، ئەو پیاوانەی سیستەمی خۆراکی رووەکی پەیڕەودەکەن، بە رێژەی 21% ئەگەر تووشبوونیان بە شێرپەنجەی کۆڵۆن کەمدەبێتەوە.
پرۆفیسۆر جیهی کیم، نوسەری توێژینەوەکە دەڵێت، “ئەو ماددە دژە ئۆکسانانەی لە سەوزە و میوە و دانەوێڵەدا هەیە، رێگری لە تووشبوون بە شێرپەنجەی کۆڵۆن و ریخۆڵە ئەستوورە دەکات”.
بە پێی ئامارێک ژمارەی تووشبووان بە شێرپەنجەی ریخۆڵە لە پیاواندا زیاترە بەراورد بە ژنان، بەڵام دەکرێت لە رێگەی سیستەمی خۆراکی تەندروستەوە کەمبکرێتەوە.
توێژەران دەڵێن، “باشترین سیستەمی خۆراکی پێکهاتووە لە میوە، سەوزەی تازە، دانەوێڵەکانی وەک شۆفان و گەنم و برنجی بۆر”.
