سەرۆک وەزیرانی عێراق بڕیاریدا بۆ مانگی رەمەزان وەرگرتنەوەی قەرزی پێشینەکان لە هاوڵاتی و فەرمانبەران رابگیرێت، و ماددەکانی بەشەخۆراک زیادبکرێن.
نوسینگەی سەرۆک وەزیرانی عێراق لە راگەیەندراوێکدا بڵاویکردەوە، ئەمڕۆ لە کۆبوونەوەی ئەنجومەنی وەزیرانی عێراقدا محەمەد شیاع سودانی، سەرۆك وەزیرانی عێراق بڕیاریدا لە مانگی رەمەزاندا وەرگرتنەوەی پێشینەكان و قەرزی سەر هاوڵاتییان و فەرمانبەران و خانەنشینان رابگیرێت.
لە راگەیەندراوەکەی نوسینگەی سەرۆک وەزیرانی عێراقدا هاتووە، سودانی بڕیاریداوە، وەزارەتی بازرگانی و وەزارەتی كشتوكاڵ بەردەوامبن لە هەوڵ و رێكارەكانیان بۆ کۆنتڕۆڵکردنی نرخی گۆشت و كەمكردنەوەی كاریگەرییەكەی لەسەر هاوڵاتیان.
بەپێی راگەیەندراوەکەی نوسینگەی سەرۆک وەزیرانی عێراق، سودانی رایگەیاندووە، پێویستە لە مانگی رەمەزاندا پاڵپشتیی پسوڵەی خۆراك و سەبەتەی خۆراك زیادبكرێت، بە زیادكردنی ماددەی دیكە بۆ بەشەخۆراك.
