ئەمڕۆ دووشەممە ناونووسین بە شێوازی ئەلیكترۆنی بۆ چەند توێژێك دەستیپێكرد و هاوڵاتییانی ناوچە كوردستانییەكانی دەرەوەی ئیدارەی هەرێم دەگرێتەوە.
ئەحمەد ئەسەدی وەزیری كار و كاروباری كۆمەڵایەتیی عێراق رایگەیاند، ناونووسینی ئەلیكترۆنی بۆ مووچەی ئەو توێژانەی یاسای دەستەی چاودێریی كۆمەڵایەتی دەیانگرێتەوە دەستیپێكرد.
بەپێی یاساكە، منداڵانی بێباوك، ئەو ژنانەی هاوسەرەكانیان مردوون و ئەوانەشی جیابوونەتەوە، لەگەڵ هاوژینی پیاوانی بێسەروشوێنبوو، كچانی بەتەمەن و ئەو ژنانەشی كە هاوسەرەكانیان بەجێیانهێشتوون سوودمەن دەبن و مووچەی چاودێریی كۆمەڵایەتییان بۆ دەستەبەردەكرێت.
