هێزە ئەمنییەکانی عێراق ئەمڕۆ قەدەغەی تەواوی هاتوچۆیان لە قەزای ئیسلاح راگەیاند، ئەمەش پاش ئەو ناکۆکییە عەشایەرییەی لە ناوچەکە دروستبوو و بووە هۆی کوژرانی بەڕێوەبەری هەواڵگریی زیقار.
وەزارەتی ناوخۆ لە راگەیەندراوێکدا بڵاویکردەوە، لە قەزای ئیسلاحی سەر بە پارێزگای زیقار قەدەغەی هاتوچۆ راگەیەندراوە و هەڵمەتێکی ئەمنی دەستیپێکردووە.
ئاشکراشیکرد، لەهەردوو لایەنی شەڕکەر 50 تۆمەتبار دەستگیرکراوە و دەستیش بەسەر ژمارەیەک چەکدا گیراوە.
شەوی رابردوو عەمید عەزیز شەلال بەڕێوەبەری هەواڵگری زیقار لە قەزای ئیسلاح کوژرا.
