وەزارەتی پەروەردەی عێراق رایدەگەیەنێت، شێوازی دروستکردنی خوێندنگا نوێیەکان جیاواز دەبێت و گرنگی زیاتر بە هۆڵی شانۆ و تاقیگە دەدرێت.
کەریم سەید، وتەبێژی وەزارەتی پەروەردەی عێراق لە لێدوانێکیدا ئاماژەی بەوە کرد، “کارمان کردووە بۆ دروستکردنی خوێندنگای نوێ لە وڵاتدا لە چوارچێوەی دیزاینێکی نوێدا کە خۆیان لە گرنگیدان و زیادکردنی هۆڵی تاقیگە، شانۆ و گۆڕەپاندا دەبیننەوە لەگەڵ دابینکردنی تەواوی پێداویستییەکان بۆیان”.
جەختلەوەش دەکاتەوە، وەزارەتەکەیان گرنگییەکی زۆر بەو لایەنانە دەدات چونکە بەشێکی سەرەکییە لە ژینەگەی خوێندنگاکاندا و دەشڵێت، “لە هەوڵداین بۆ بەروەپێشبردنی خوێندنگاکان بە هاوکاری لەگەڵ رێکخراوە نێودەوڵەتییەکان لەگەڵ پاڵپشتیکردنی ئەنجومەنی دایکان و باوکان”.
