نێچیرڤان بارزانی سەرۆکی هەرێمی کوردستان رۆژی هەڵبژاردنی پەرلەمانی هەرێمی کوردستانی دیاریکرد.
بە گوێرەی نوسراوێکی سەرۆکایەتی هەرێمی کوردستان کە ئەمڕۆ 3ی 3 بڵاویکردەوە، نێچيرڤان بارزانى، سه‌رۆكى هه‌رێمى كوردستان، فه‌رمانى هه‌رێمى بۆ دياريكردنى رۆژى هه‌ڵبژاردنى داهاتووى په‌رله‌مانى كوردستان واژۆ كرد و رۆژی 10ی 6 وەک رۆژی هەڵبژاردن دیاریکرا.
له فه‌رمانه‌كه‌دا پاڵپشت به بڕگه‌ى دووه‌م له مادده‌ى ده‌يه‌م له ياساى سه‌رۆكايه‌تيى هه‌رێمى كوردستان ژماره 1ى ساڵى 2005ى هه‌مواركراو، سه‌رۆكی هەریم بڕيارى داوه به دياريكردنى رۆژى 2024/6/10 به واده‌ى ئه‌نجامدانى هه‌ڵبژاردنى گشتى بۆ خولى شه‌شه‌مى هه‌ڵبژاردنى په‌رله‌مانى كوردستان.
به‌پێى فه‌رمانه‌كه هه‌موو لايه‌نه په‌يوه‌نديداره‌كان پابه‌ندده‌بن به ئه‌نجامدانى كارى پێويست بۆ هاوكارى و هه‌ماهه‌نگى له‌گه‌ڵ كۆمسيۆنى باڵاى سه‌ربه‌خۆى هه‌ڵبژاردنه‌كان بۆ جێبه‌جێكردنى ئه‌م فه‌رمانه، هه‌ر ئه‌مڕۆش له رۆژى ده‌رچوونييه‌وه جێبه‌جێ ده‌كرێت.
