رێکەوتنی کۆتایی لەبارەی هەڵبژاردنی سەرۆکی ئەنجومەنی نوێنەرانی عێراق کرا

ئەمڕۆ لایەنە سونییەکانی عێراق کۆبوونەوەیەکیان ئەنجامدا و رێکەوتنی کۆتاییان لەبارەی هەڵبژاردنی سەرۆکی ئەنجومەنی نوێنەران کرد.

بەپێی راگەیەندراوێکی هاوبەشی هەرسێ هاوپەیمانێتی (سیادە، حەسم، عەزم)، ئەمڕۆ لایەنە سونییەکان و ژمارەیەک لە لایەنە سەربەخۆکان لە شاری بەغداد بە بەشداریی بەشێک لە سەرکردە سیاسییەکانی عێراق کۆبوونەوەیەکیان لە شاری بەغداد سازکرد بەمەبەستی یەکلاکردنەوەی پۆستی سەرۆکی ئەنجومەنی نوێنەرانی عێراق.

هەر بەپێی راگەیەندراوەکە، لە کۆبوونەوەکەدا بڕیاردرا رێوشوێنەکانی هەڵبژاردنی سەرۆکی ئەنجومەنی نوێنەران لەنێوان ئەو دوو کاندیدەدا جێبەجێبکردن کە لە کۆبوونەوەی یەکەمی هەڵبژاردنی سەرۆکی ئەنجومەنی نوێنەران زۆرترین دەنگیان بەدەستهێنا.

لە کۆبوونەوەی یەکەمی هەڵبژاردنی سەرۆکی ئەنجومەنی نوێنەران هەریەکە لە شەعلان کەریم و سالیم عیساوی زۆرترین دەنگیان بەدەستهێنا و سەرکەوتن بۆ گەڕێکی دیکەی دەنگدانەکە.

لە بەشێکی دیکەی راگەیەندراوەکەدا جەختلەوەکراوەتەوە، ئەو داوا یاساییەی دژی کۆبوونەوەی یەکەمی هەڵبژاردنی سەرۆکی ئەنجومەنی نوێنەران لە دادگای باڵای فیدڕاڵی بەرزکراوەتەوە هیچ کاریگەرییەکی لەسەر بەڕێوەچوونی پرۆسەکە نابێت.

 

بابەتی پێشتر

رێباز حەملان: لیستی مووچە ئامادەیە و سبەینێ بۆ بەغداد دەنێردرێت

بابەتی دواتر

قوباد تاڵەبانی پرۆژەی (هەب)ی بەسەرکردەوە

بابەتی پەیوەندیدار
زیاتر ببینە

لەبارەی کۆمپانیای کۆڕەک تلیکۆمەوە حکومەتی هەرێم نووسراوێک ئاڕاستەی حکومەتی عێراق دەکات

وەزارەتی گواستنەوە و گەیاندنی حکومەتی هەرێم رایدەگەیەنێت، “حکومەت نووسراوێكی رەسمی ئاڕاستەی سەرۆكایەتیی ئەنجومەنی وەزیرانی عێراق دەكات سەبارەت بە…
Total
0
Share