وەزیری دەرەوەی عێراق رایگەیاند حکومەت پلانی هەیە لەماوەی چەند ساڵێکدا عێراق بکاتە هەناردەکاری غاز.
فوئاد حسێن وەزیری دەرەوەی عێراق لە میانەی بەشداریکردنی لە سێیەمین کۆڕبەندی دیبلۆماسی ئەنتاڵیا رایگەیاند، عێراق هەوڵی جێبەجێکردنی پرۆسەی بوژانەوەی ئابوری لە رێگەی پەیوەندیکردن لەگەڵ وڵاتانی ناوچەکە و جیهان دەدات.
ئاماژە بەوە دەکات، هەوڵەکانی حکومەتی ئێستا بۆ هەمەچەشنکردنی سەرچاوەکانی داهاتە، جگە لەو پلانانەی کە ئامانجیان ئەوەیە عێراق ببێتە وڵاتێکی هەناردەکاری غاز لە ساڵانی داهاتوودا.
جەختی لە پێویستی بەهێزکردنی هاریکاری بازرگانی عێراق لەگەڵ وڵاتانی جیهان کردەوە، هاوشێوەی ئەو وڵاتانەی دراوسێی کە پەیوەندییە ئابوورییەکانی لەگەڵیان بەهێزکردووە.
