سەرچاوەیەکی لە پۆلیسەوە رایگەیاند، تۆمەتبارێک بە تاوانی کوشتنی خاوەن نوسینگەیەکی ئاڵوگۆيی دراو دەستگیرکراوە، پێشتر تۆمەتبارەکە بەهۆی مەترسیدارییەوە بە “زۆمبی” ناوبانگی هەبووە.
بەپێی سەرچاوە ئەمنییەکانی بەغداد، بەشی نەهێشتن و کۆنترۆڵی تاوانەکان لە ناوچەی کەرخ تۆمەتبارێکیان بەناوی (س.ج.) کە ناسناوی (زۆمبی)ی بووە دەستگیرکرد.
ئەو تۆمەتبارە سێ رۆژ بەر لە ئێستا خاوەنی نوسینگەیەکی دراوی بەناوی حەیدەر هادی کوشتووە، بەپێی وتەی پۆلیس “یەکێکە لە تاوانبارە مەترسیدارەکان، سەرەڕای ئەوەی تەمەنی کەمە”.
سەرچاوەکە ئاماژەی بەوەشکردووە، “تۆمەتبار (زۆمبی) ئێستا لە حاڵەتی پشیویی دەروونیدایە بەهۆی خواردنی بڕێکی زۆر مادەی هۆشبەرەوە”.
