توێژینەوەیەکی نوێ سەلماندوویەتی کەمخەوی لە ژناندا دەبێتە هۆی تووشبوونیان بە جەڵتەی دڵ و مێشک و لەکارکەوتنی ماسولکەکانی دڵ لە داهاتوودا.
توێژینەوەکە لە گۆڤاری Circulation بڵاوکراوەتەوە و تێیدا هاتووە، بەشێک لە ژنان لە نیوەی تەمەنیان درەنگ خەوتن و زوو لە خەو هەستان بووەتە بەشێک لە رۆتینی ژیانیان، بەڵام ئەمە بۆ داهاتوو کاریگەری نەرێنیان لەسەر تەندروستیی هەیە و دەکرێت هۆکارێک بێت بۆ تووشبوون بە جەڵتەی دڵ و مێشک و لەکارکەوتنی ماسولکەکانی دڵ.
توێژەران دەڵێن، بە گشتی لە هەر چوار ژنێک یەکێکیان کێشەی کەمخەوی درێژخایەنی هەیە، لەمانەشدا ئەگەری تووشبوونیان بە جەڵتە و نەخۆشیەکانی دڵ زیاترە.
توێژەرانی بواری تەندروستی کۆکن لەسەر پەیوەندی نێوان نووستن و تەندروستیی دڵ، بەڵام هیچ زانیارییەکیان لەبارەی کاریگەرییەکانی زۆر خەوتن بڵاونەکردووەتەوە.
