دادگای فیدراڵی لە بارەی سکاڵای یاسای هەڵبژاردنەکانی هەرێمی کوردستان و چەند دۆسیەیەکی دیکە کۆبووەوە و چەند بڕیارێکی دەرکرد.
لە کۆبوونەوەی دادگای فیدڕاڵی لەبارەی یاسای هەڵبژاردنی هەرێمی کوردستانەوە بڕیاریدا و ژمارەی کورسییەکانی پەرلەمانی کوردستانی بۆ 100 کورسی کەمکردەوە، بە پێی بڕیارەکە نابێت هەڵبژاردنی پەرلەمانی کوردستان لە چوار بازنەی هەڵبژاردن کەمتربێت.
هەر لەو کۆبوونەوەیەدا دادگای فیدراڵی عێراق، سەرۆک وەزیرانی عێراق و هەرێمی کوردستانی پابەندکردووە بە پێدانی مووچەی مووچەخۆران، ئەوەشی خستووەتەڕوو، پێویستە مووچەخۆران لەشوێنی خۆیان مووچە وەربگرن و لەوبارەیەوە رێکاری یاسایی بگیرێتەبەر.
لەبارەی داهاتە نەوتی و نانەوتییەکانەوە ئاماژەی بەوە کردووە، “هەرێمی کوردستان پابەنددەکرێت بە ناردنی ئەو داهاتانە بۆ حکومەتی عێراق و پێویستە سەرۆک وەزیرانی عێراق وردبینی تەواو لەبارەی هەژمارەکانی بانکی ناوەندیی عێراق لە هەرێم بکات”.
