وەزارەتی ناوخۆی عێراق لە بارەی کارکردن بە ناسنامەی باری شارستانی و رەگەزنامەوە بڕیارێکی دەرکرد

وەزارەتی ناوخۆی عێراق رایدەگەیەنێت، “1ی نیسانی 2024 کۆتا کاتە بۆ کارکردن بە ناسنامەی باری شارستانی و رەگەزنامە لە تەواوی عێراق”.

میقداد میری، وتەبێژی وەزارەتی ناوخۆی عێراق لە راگەیەندراوێکدا ئاماژەی بەوە کرد، “بە ئامانجی پێدانی کاتی زیاتر بە هاوڵاتییان، وەزارەت بڕیاریداوە کارکردن بە ناسنامەی باری شارستانی و رەگەزنامە تاوەکو 1ی نیسانی 2024 درێژبکاتەوە”.

ئەوەشی خستووەتەڕوو، “کاری بەڕێوەبەرایەتیەکانی کارتی نیشتمانی لە بەغداد و هەموو پارێزگاکانی دیکە بەردەوامە بەمەبەستی پێشکەشکردنی باشترین خزمەتگوزاری بە هاوڵاتییان”.

پێشتر عەبدولئەمیر شەمەری، وەزیری ناوخۆی عێراق رایگەیاندبوو، “وەزارەت 1ی مانگی ئاداری 2024ی وەک کۆتا کات دیاریکردووە سەبارەت بە پەسەندکردنی کارتی نیشتمانی وەک تاکە بەڵگەنامەی رەسمی و هەڵوەشاندنەوەی ناسنامەی باری شارستانی و رەگەزنامە”.

بابەتی پێشتر

کاتی کۆتاییهاتنی شەپۆلی بارانبارین راگەیەندرا

بابەتی دواتر

بەهۆی هەرەسی بەفرەوە لە ئەفغانستان دەیان کەس گیانیان لەدەستدا

بابەتی پەیوەندیدار
زیاتر ببینە

ئەنفلۆنزای باڵندە بڵاوبووەوە

بەڕێوەبەری كشتوكاڵی سلێمانی رایدەگەیەنێت، بەهۆی بڵاوبوونەوەی ئەنفلۆنزای باڵندەوە، هاوردەكردنی مریشك و هێلكە لە توركیاوە بۆ هەرێمی كوردستان قەدەغەكرا…
Total
0
Share