ئێوارەی ئەمڕۆ نزیک کاتژمێر 8:00 فڕۆکە جەنگییەکانی تورکیا گوندی بارێ -ی سەربە قەزای شەنگالیان بۆردوومانکرد.
بەپێێ زانیارییەکان بۆردومانەکە بۆسەر بنکەیەکی ئاسایشی ئێزدییەکانیان بووە لە گوندی بارێ-ی سەربە شەنگال.
بەهۆی ئەوەی دوای بۆردوومانەکەش فڕۆکە جەنگییەکانی تورکیا هەر بە ئاسمانی ناوچەکەدا دەسوڕێنەوە تا ئێستا زانیاری لەبارەی کوژراو و بریندار لە ڕووداوەکەدا نەزانراوە.
لەماوەی مانگێکدا ئەوە سێهەم بۆردوومانی فڕۆکە جەنگییەکانی تورکیا لە شەنگال و پێشتریش لە 16ی مانگی ڕابردوو بەهۆی بۆردوومانی فڕۆکە بێفڕۆکەوانەکانی تورکیاوە لە شەنگال فەرماندەیەکی لیوای80ی حەشدی شەعبی و یەکێک لە پاسەوانەکانی کوژران.
هاوکات یەکینەکانی بەرخۆدانی شەنگال “یەبەشە” لە ڕاگەیەندراوێکدا ڕایانگەیاند، هێرشەکە ئەندامێکی ئەوانی کردووەتە ئامانج بەناوی “سەعید حەسەن سەعید”.
