نوێنەری محەمەدی حاجی مەحمود، سەرۆكی پارتی سۆسیال دیموكراتی كوردستان رایدەگەیەنێت، هێزەكانی ئاسایش بە ئاراستەی گوڵەخانە نەجووڵێندراون و ئەوەی بڵاوكراوەتەوە هیچ بنەمایەكی نییە و دوورە لە راستییەوە.
فایەق مەهدی نوێنەری محەمەدی حاجی مەحمود، سەرۆكی پارتی سۆسیال دیموكراتی كوردستان لە كۆنگرەیەكی رۆژنامەوانیدا كە پەیامنێری تۆڕی میدیایی ئێستا ئامادەیبوو رایگەیاند، چەند گۆڕانكارییەك هەن كە پێویستە ئەنجامبدرێن و بڕیاری ناوخۆی حزب بووە و ئەوەی باسدەكرێت گوایە گرژی و ئاڵۆزی دروستبووە و هیچ بنەمایەكی نییە و ئەو بڕیارانەی پێشتر دراون كۆدەنگی حزبی لەسەر بووە.
راشیگەیاند، هیچ بڕیارێك نییە كە عەبدوڵا حاجی مەحمود لە پۆستی جێگری لابرابێت و لە ئەركەكەی بەردەوامە و ئەو خانووەشی تێیدایە موڵكی خۆیەتی داوای چۆڵكردنی لێنەكراوە
