دوای بەردەوامی پێکدادانەکان لە نێوان گروپە چەکدارییەکانی نزیک لە تورکیا و هێزەکانی سوریای دیموکرات، ڕوسیا هێزی زیاتری ڕەوانەی دەوروبەری شاری عەین عیسا کردووە.
بەپێی هەواڵێکی ئاژانسی ڕۆیتەرز وەزارەتی بەرگری ڕوسیا دوێنێ یەکشەممە، 27 ی کانونی یەکەم، ڕایگەیاندووە، هێزی زیاتری ڕوسیا لەو بنکانە جێگرکراوە کە پێشتر بە دەست ڕوسیا و حکومەتی سوریاوە بوون.
ناردنی ئەو هێزە ڕوسیانە لە کاتێکدایە کە ڕۆژی یەکشەممە، سێرگی لاڤرۆڤ، وەزیری دەرەوەی ڕوسیا لەگەڵ مەولود چاوش ئۆغڵو، هاوتا تورکییەکەی گفتوگۆیانکرد و چەند پرسێکی پەیوەست بە سوریایان تاوتووێ کراون.
پێدەچێت لەو گفتوگۆیەدا شوێنی چەکدارەکانی نزیک لە تورکیا و هێزەکانی حکومەتی سوریا و ڕوسیا دیاریکرابێت، کە پێشتر چەکدارەکانی نزیک لە سوپای تورکیا هەوڵی داگیرکردنی ڕێگەی ئێم فۆڕ یان دەدا لە نزیک شاری عەین عیسا.
هێرشی سوپای تورکیا و گروپە چەکدارییەکانی نزیکی، لە کاتێکدایە کە یەک ساڵ تێپەڕیووە بەسەر ئاگربەستی نێوان سوپای تورکیا و هێزەکانی سوریای دیموکرات، کە بە نێوەندگیری ئەمریکا و مایک پێنسی جێگری سەرۆکی ئەمریکا ڕاگەیەنرا.
Russian military convoy consisting of armored vehicles Typhoon-K, Rys, Tiger-M, as well as a special medical vehicle and others under the cover of Mi-8 and Mi-35, arrived at one of the Russian observation posts in Ain Issa. pic.twitter.com/3Ikb6aeDcE
— Ruslan Trad (@ruslantrad) December 27, 2020
