وتەبێژی بەرگریی شارستانیی سلێمانی رایگەیاند، ئاگرەکەی گەڕەکی راپەڕین کۆنتڕۆڵکرا.
ئارام عەلی، وتەبێژی بەرگریی شارستانیی سلێمانی بە تۆڕی میدیایی ئێستای راگەیاند، ئەو ئاگرەی لە گەڕەکی راپەڕین کەوتەوە کۆنتڕۆڵكرا.
وتیشی، ئیزوگامی ماڵێک سووتاوە، بەڵام پێش ئەوەی بۆ نێو ماڵەکە تەشەنە بکات لەلایەن تیمەکانی بەرگریی شارستانییەوە کۆنتڕۆڵکراوە و هیچ زیانێکی گیانی نەبووە.
لەبارەی هۆکاری ئاگرەکە ئارام عەلی رایگەیاند، تاوەکو ئێستا هۆکارەکەی نەزانراوە و لێکۆڵینەوەکان بەردەوامن.
