بەڕێوەبەرایەتیی گشتیی كارەبای سلێمانی رایدەگەیەنێت، بەهۆی ئەو بارانە بەلێزمەیەی لە دوێنێ پێنجشەممەوە سنووری پارێزگای سلێمانی گرتەوە زیانی زۆری بە تۆڕەكانی گواستنەوە و دابەشكردنی كارەبا گەیاندووە و شۆرتێكی زۆر دروستبووە و چەند هێڵێكی گواستنەوەی تەوژم بەرز لەكاركەوتوون.
ئەندازیار ئەنوەر حمەسەعید بەڕێوەبەری گشتیی كارەبای سلێمانی رایگەیاند، بەهۆی ئەو بارانە بەلێزمەیەی لە دوێنێ پێنجشەممەوە سنووری پارێزگای سلێمانی گرتەوە زیانی زۆری بە تۆڕەكانی گواستنەوە و دابەشكردنی كارەبا گەیاندووە و شۆرتێكی زۆر دروستبووە و چەند هێڵێكی گواستنەوەی تەوژم بەرز لەكاركەوتوون و زیاتر لە 35 فیدەری دابەشكردنی كارەبا لەناو شار و دەرەوەی شار لەكاركەوتوون.
دەشڵێت، “سەرجەم تیمەكانی چاكسازیی هێڵەكانی گواستنەوەی وزەی كارەبا و سیانەكان لەكاردان بۆ چارەسەركردنی كێشەكان”.
