حاجی مەسیفی وەڵامی وتەبێژی پۆلیسی هەولێر دەداتەوە و دەڵێت، قسەكانی زۆر نابەرپرسانەیە و دەبوو پێش بڕیاری دادگا نەكەوتایە.
لە ڕاگەیەندراوێكدا کەریم سارەمەمی، سکرتێری حاجی مەسیفی ئەندامی سەركردایەتی یەكێتی ئاماژەی بەوەكردووە، “دوابەدوای ئەوەی کە لەچەند ڕۆژی ڕابردوو تەقە لە ماڵی حاجی مەسیفی کرا پاش گەیشتنی هێزە ئەمنییەکان دەست بە لێکۆڵینەوە کرا و کەیسەکە گەیشتە دادگا”.
دەشڵێت، “بەڵام بەداخەوە دوێنێ وتەبێژی پۆلیسی هەولێر لە کۆنگرەیەکی ڕۆژنامەنووسیدا زۆر نا بەرپرسانە ڕایگەیاند، کەیسەکە سیاسی نییە، بەڵکو کەیسێکی شەخسیە”.
بۆیە جەختی كردووەتەوە، نیگەرانی خۆی لەو وتەكانی وتەبێژی پۆلیسی هەولێر دەردەبڕێت و دەڵێت، حەقبوو چاوەڕێی بڕیاری دادگایان بكردایە، نەكەوتنایەتە پێش بڕیاری دادگا.
