ئەندامێکی لیژنەی هەرێم و پارێزگاکانی عێراق داوا دەکات بۆ کەمکردنەوەی فشاری سەر پارێزگاکان چەند قەزایەکی دیکە بکرێنە پارێزگا.
جەواد یەساری ئەندامی ئەنجومەنی نوێنەرانی عێراق رایگەیاند، لیژنەی هەرێم و پارێزگاکان گفتوگۆیان لەبارەی چەند پرۆژە یاسایەکەوە کردووە لەپێش هەموویانەوە پرۆژە یاسای بەپارێزگاکردنی هەڵەبجە، کە کراوەتە بەرنامەی کاری کۆبوونەوەی ئەنجومەن کە خوێندنەوەی دووەمی بۆ کراوە و بەهۆی دیاریکردنی سنووری ئیدارییەکەیەوە راگیراوە.
ئاماژەی بەوەشکرد، لەپێناو کەمکردنەوەی قەرەباڵغی و فشاری پارێزگاکان پێویستە پارێزگای نوێ دروستبکرێن، کۆتا پارێزگا کە دروستبووە لە ساڵی 1970 دا بووە، یاسای پارێزگاکان کۆنە دەبێت هەمواربکرێتەوە.
