سەرۆكی ئەنجومەنی نوێنەران پێشوازی لە شاندی باڵای حكومەتی هەرێمی كوردستان كرد.
كەمێك پێش ئێستا محەمەد حەلبووسی سەرۆكی ئەنجومەنی نوێنەرانی عێراق، پێشوازیكرد لە شاندی باڵای هەرێمی كوردستان كە بۆ چارەسەركردنی كێشە هەڵپەسێردراوەكانی نێوان حكومەتی هەرێم و حكومەتی فیدراڵ سەردانی بەغدادیان كردبوو.
لە دیدارەكە تاوتوێی بارودۆخی سیاسیی وڵات و كێشە دارایی و یاساییەكانی نێوان حكومەتی فیدراڵی و حكومەتی هەرێم كران، جەختیش لەسەر گرنگی چارەسەركردنیان و زامنكردنی مووچەی فەرمانبەران لەسەرتاسەری وڵاتدا كرایەوە.
