پۆلیسی سلێمانی بڵاویکردەوە، لەسەر سكاڵای هاوڵاتییەك و لەلایەن مەفرەزەكانی هەوارە بەرزەی سەر بە بەشی پۆلیسی دەربەندیخان تۆمەتبارێك دەستگیركرا.
بەڕێوەبەرایەتیی پۆلیسی سلێمانی بڵاویکردەوە، دوای ئەوەی هاوڵاتییەك سكاڵای تۆماركرد كەلە ماڵەكەی بڕی سێ هەزار و 900 دۆلاری لێدزراوە، هێزەكانی بەشی پۆلیسی دەربەندیخان لێكۆڵینەوە و بەدواداچوونەكانیان دەستپێكرد و دوای لێكۆڵینەوەكان و وەرگرتنی بڕیاری دادوەر توانرا لەلایەن بنكەی پۆلیسی هەوارە بەرزەی سەر بەبەشی پۆلیسی دەربەندیخانەوە تۆمەتبار بدۆزرێتەوە و دەستگیربكرێت.
ئاشکراشیکرد، لەئێستادا تۆمەتبار (ب،ه،أ ) بە بڕیاری دادوەر و بەپێی ماددەی 446 لەیاسای سزادانی عیراقی راگیراوە و لەكاتی دەستگیركردنیشیدا دەستگیرا بەسەر بڕێك لە پارە دزراوەكەدا .
