توێژینەوەیەکی نوێ سەلماندوویەتی خوێنبەخشین لە پیاواندا ئەگەری تووشبوون بە جەڵتەی دڵ و خوێنبەرەکان و نەخۆشییەکانی دیکەی دڵ کەمدەکاتەوە.
توێژەران دەڵێن بۆ ئەوەی بە شێوەیەکی تەندروست خوێن ببەخشیت پێویستە رەچاوی چەند مەرجێک بکەیت لەوانەش:
-ئەو خوێنەی بە یەک جار دەیبەخشیت لەنێوان 450-500 ملم دا بێت، بە دوو مانگ یەک جار خوێن ببەخشیت و لە ساڵێکدا پێنج جار گونجاو نییە خوێنی زیاتر ببەخشیت.
-پێویستە بەخشەر هیچ نەخۆشییەکی گواستراوەی وەک ئایدز و هەوکردنی جگەر یان نەخۆشی درێژخایەنی شەکرە و دڵ و شێرپەنجە نەبێت.
-پێویستە بەخشەر تەمەنی لەنێوان 18- 65 ساڵاندا بێت.
-ئەو کەسانەی خۆیان نەخۆشی کەمخوێنیان هەیە یان نەخۆشی خوێنیان هەیە بە هیچ جۆرێک نابێت خوێن ببەخشن.
