لەسەر رێگەی پشتێنەی کەرکوک، بۆرییەکی راکێشانی نەوت شکا و تیمەکانی کۆمپانیای نەوتی باکوور سەرقاڵی چاککردنین.
پەیامنێری تۆڕی میدیایی ئێستا لە شاری کەرکوک پێیڕاگەیاندین، لە شەوی رابردووەوە بۆرییەکی راکێشانی نەوت لەسەر رێگەی پشتێنەی کەرکوک شکاوە و نەوتی لێڕۆشتووە.
ئاماژەی بەوەش کرد، لە ئێستادا تیمەکانی کۆمپانیای نەوتی باکوور، گەیشتوونەتە شوێنی رووداوەکە و سەرقاڵی چاککردنی بۆرییەکەن و نەوتەکەش گیراوەتەوە.
