دادگای کۆچی سوید بڕیاریدا سەلوان مۆمیکا ئەو هاوڵاتییە بەرەگەز عێراقییەی ساڵی رابردوو چەند جارێک قورئانی پیرۆزی سوتاند لە وڵاتەکەی دەربکات.
میدیاکانی سوید بڵاویانکردەوە، دادگای کۆچ ئەو داوای تێهەڵچوونەوەیەی رەتکردووەتەوە کە لەلایەن مۆمیکاوە پێشکەشیکراوە، بڕیاریداوە لە وڵاتەکەی دەریبکات، ئەویش بە پشتبەستن بەو بەڵگانەی دەیسەلمێنن ناوبراو زانیاریی ناڕاستیی لەبارەی ژیانی و شوێنی مانەوەی پێشکەش کردووە.
بەپێی بڕیارەکە پێویستە تا مانگی نیسانی ئەمساڵ سەلوان مۆمیکا سوید بەجێبهێڵێت.
