وەزارەتی تەندروستیی هەرێم بڕیاریدا هەر چوار نەخۆشخانەکەی گەرمیان بکرێن بە فێرکاری.
بەپێی نوسراوێک، وەزارەتی تەندروستیی حکومەتی هەرێم، رەزامەندی دا لەوەی هەر چوار نەخۆشخانەکەی سنووری گەرمیان بکرێن بە فێرکاری بەمەبەستی ئەوەی لەلایەن کۆلێژ و پەیمانگا پزیشکییەکانی سنوورەکەوە بەکاربهێنرێن و سودیان لێوەربگیردرێت.
نەخۆشخانەکان بریتین لە، نەخۆشخانەی گشتیی کەلار، نەخۆشخانەی گشتیی شەهید خالید گەرمیانی لە کفری، نەخۆشخانەی فریاکەوتنی شەهید هەژار لە کەلار و نەخۆشخانەی شەهید شێرەی نەقیب بۆ ژنان و منداڵبوون لە کەلار.
