ئەو شۆفێری ئۆتۆمبێلەی کە لە گرتەیەکی ڤیدۆییدا دەرکەوت لە پۆلیسێکی هاتوچۆ دەدات، دەستگیرکرا.
وەزارەتی ناوخۆی عێراق لە بەیاننامەیەکدا بڵاویکردەوە، ئەو شۆفێری ئۆتۆمبێلە بی ئێم دەبلیو-ەیان دەستگیرکرد کە لە گرتەیەکی ڤیدۆییدا لە تۆڕە کۆمەڵایەتییەکان دەرکەوت کە لە پۆلیسێکی هاتوچۆ دەدات.
باس لەوەش دەکات، دەستگیرکردنی تۆمەتبارەکە دوای گەڕانەکان بە چاودێری وەزیری ناوخۆ بوو بۆ دۆزینەوەی، دوای تێپەڕینی چەند کاتژمێرێک لە رووداوەکە توانرا بدۆزرێتەوە و دەستگیربکرێت.
رۆژی رابردوو، گرتەیەکی ڤیدیۆیی لە تۆڕە کۆمەڵایەتییەکان بڵاوکرایەوە کە تیایدا دەردەکەوت شۆفێری ئۆتۆمبێلێک بۆ ئەوەی خۆی لە سزایەک دەرباز بکات بە خێراییەکی زۆر رۆشت کاتێک پۆلیسێکی هاتوچۆ لە پێش ئۆتۆمبێلەکەدا بوو، بەو هۆیەوە پۆلیسەکە کەوتە سەر پێشی ئۆتۆمبێلەکە.
ئەو رووداوە لە شاری بەغداد روویدا.
