بەڕێوەبەری هاتوچۆی ناوشار – رۆژئاوای سلێمانی رایدەگەیەنێت، هەر شۆفێری ئۆتۆمبێلێكی بێ سەرەتا سەرپێچی بكات و تابلۆكەی بگۆڕێت لێپێچینەوەی توندی لەگەڵدا دەكرێت و رێكاری یاسایی بەرامبەر دەگیرێتەبەر.
عەقید بەهمەن ئەحمەد بەڕێوەبەری هاتوچۆی ناوشار- رۆژئاوای سلێمانی لە لێدوانێكدا بە تۆڕی میدیایی ئێستای راگەیاند، ئۆتۆمبێلی بێ سەرەتا لە هیچ سزایەك نابەخشرێت و هەر سەرپێچییەك بكات سزادەدرێت و ئەگەر دەركەوت شۆفێرەكەی سەرپێچی كردووە و تابلۆی ئۆتۆمبێلەكەی گۆڕیوە رێكاری یاسایی بەرامبەر دەگیرێتەبەر.
وتیشی، “لەگەڵ بوونی هەر سەرپێچییەكدا دەركەوت شۆفێرەكەی تابلۆكەی گۆڕێوە لێكۆڵینەوەی ئەمنیشی لەگەڵدا دەكرێت و چاوخشاندنەوەی پێشینەی تاوانی بۆ دەكرێت و چاوپۆشی لێناكرێت”.
