بەڕێوەبەرایەتیی پاسپۆرتی سلێمانی رایدەگەیەنێت، بۆ نۆرەگرتن و پێدانی پاسپۆرتی ئەلیكترۆنی (حجز الالكترونی) لە شەوی پێنجشەممە لەسەر هەینی بە دواوە و لە دوای كاتژمێر 9ی شەو دەستپێدەكات تاوەكو شوێنی (حجز) نامێنێت.
لە راگەیەندراوەكەی پاسپۆرتی سلێمانیدا هاتووە، نرخی تێچووی پاسپۆرت 91 هەزار دینارە، ئەگەر (حجز الاكترونی) هەبێت و خۆ ئەگەر حجزی ئەلیكترۆنی نەبێت پێویستە 100 هەزار دینار رسوومات زیادە بدەیت كە 91 هەزار دینار دینار تێچووی پاسپۆرتەكە و كۆی گشتی 191 هەزار دینار دەكات، بۆیە باشترە ( حجزی الالكترونی) بكرێت تاوەكو تەنها 91 دینار بدرێت.
هەر لە راگەیەندراوەكەدا هاتووە، ئەگەر هاوڵاتی چاوپێكەوتنی دوای كاتژمێر 12ی نیوەڕۆی هەبوو، دوو كاتژمێر پێشوەخت سەردان بكات، بەڵام چاوپێكەوتنی بەیانیان لە كاتی دیاریكراوی خۆیدا پێویستە هاوڵاتی ئامادەبێت كە تەنها كار بە كارتی نیشتمانی و كارتی زانیاری دەكرێت.
