ئەمڕۆ پرۆسەی تۆماری بایۆمەتری دەنگدەران لە پارێزگاکانی هەرێم دەستپێکرد و بڕیارە ماوەی 20 رۆژ بەردەوام بێت.
ئەمڕۆ پێنجشەممە پرۆسەی تۆماری بایۆمەتری دەنگدەران دەستیپێکرد، پێشتر کۆمسیۆنی باڵای سەربەخۆی هەڵبژاردنەکان رایگەیاند، لە دایکبووانی ساڵی 2006 و هەموو ئەو دەنگدەرانەی کەپێشتر خۆیان تۆمارنەکردووەبەشێوەی بایۆمتری دەتوانن ناوی خۆیان تۆماربکەن.
باسی لەوەشکرد، ئارەزوومەندان بە مەبەستی تۆمارکردنی ناویان و دروستکردنی کارتی دەنگدانی بایۆمەتری، دەتوانن سەردانی یەکێک لە ناوەندەکانی تۆمارکردن بکەن.
بەپێی راگەیەندراوی کۆمسیۆن، پێداویستییەکانی دروستکردنی کارتی بایۆمەتری بریتین لە: کارتی نیشتمانی یان ناسنامەی باری شارستانی، کۆبونی خۆراک، بەڵگەنامەی نیشتەجێبوون.
پرۆسەکە ماوەی 20 رۆژ بەردەوام دەبێت.
