سەرچاوەیەک لە وەزارەتی دارایی هەرێمی کوردستان ئاشکرایدەکات، حکومەتی هەرێمی کوردستان بۆ پڕکردنەوەی کورتهێنانی مووچە، پەنا بۆ قەرزی ناوخۆیی دەبات.
سەرچاوەیەک لە وەزارەتی دارایی هەرێمی کوردستان بە تۆڕی میدیایی ئێستای ڕاگەیاند، ئەگەر حکومەتی عێراق 120 ملیار دینار ببڕێت (مەقاسە بکات)، حکومەتی هەرێمی کوردستان بۆ پڕکردنەوەی ئەو 60 ملیار دینارەی کە کورتهێنانە، ناچارە پەنا بۆ قەرزی ناوخۆیی ببات، تا بتوانێت مووچەی مانگی حوزەیران بەبێ کێشە دابەشبکات.
باسی لەوەشکرد، لە چەند ڕۆژی داهاتوو پارە دێت، بەڵام بە لێبڕینەوە، لێبڕینەکەش مامۆستایانی گرێبەست و ئەو چینانە دەگرێتەوە کە مووچەیان لەسەر داهاتی ناوخۆیە.
