وەزارەتی دارایی عێراق دەستی بە دابەشكردنی مووچەی مانگی شوباتی خانەنشینانی (مەدەنی و سەربازی) كرد.
فەرمانگەی ژمێریاریی وەزارەتی دارایی ئەمڕۆ دەستیكرد بە پارەداركردن بۆ مووچەی خانەنشینیی مەدەنی و سەربازی بۆ مانگی شوباتی 2024، رێوشوێنەكانی دابەشكردنی مووچە لەلایەن دەستەی خانەنشینی نیشتمانی و هەردوو بانكی رافیدەین و رەشید دەبێت لەڕێی كارتی بانكییەوە.
فەرمانگەكە بڵاویشیكردەوە، خانەنشینان ئەوانەی نامەیان پێگەیشتووە، دەتوانن سەردانی لقەكانی بانكەكان یان ئامێرە ئەلیكترۆنییەكان لە بەغداد و پارێزگاكانی دیكە بكەن بۆ وەرگرتنی مووچەكانیان.
دابەشكردنی مووچەی ئەم مانگەی خانەنشینان لەكاتێكدایە، خانەنشین و مووچەخۆرانی هەرێم هێشتا مووچەی مانگی 10ی ساڵی رابردوویان وەرنەگرتووە.
لە هەرێم روون نییە دابەشكردنی مووچە كەی دەستپێدەكات، هەروەها تائێستا دیارنییە كە دەستیپێكرد مووچەی كام مانگە دەدرێت؟
