هێزی دەریایی ئەمریكا سێ فڕۆكەهەڵگری لە كۆی 11 فڕۆكەهەڵگرەكەی لە رۆژئاوای زەریای هێمن بڵاوپێكرد بە مەبەستی “وەڵامدانەوەی چین و كۆریای باكوور” وەك ئەوەی رۆژنامەی (نیكی ئاسیا) بڵاویكردووەتەوە.
رۆژنامەكە دەڵێت، سوپای ئەمریكا هەوڵەكانی زیادكردووە بۆ گەمارۆدانی چین و كۆریای باكوور لەڕێی بڵاوەپێكردنی فڕۆكەهەڵگر، سەرەڕای زیادبوونی مەترسییەكانی لەبارەی ئەگەری فراونبوونی ناكۆكییەكان لە رۆژهەڵاتی ناوەڕاست.
فڕۆكەهەڵگرەكان بریتین لە هەریەك لە، (یو ئێس ئێس كارل ڤینسۆن)، (یو ئێس ئێس سیودرۆ رۆزفلت) و (یو ئێس ئێس رۆنالد ریگان).
بەپێی پەیمانگای دەریایی ئەمریكا، ئەمە یەكەمجارە سێ فڕۆكەهەڵگری ئەمریكی لە ناوچەكەدا بن لەماوەی نزیكەی دوو ساڵی رابردوودا.
بەپێی وتەی بەرپرسێكی دەریایی ئەمریكا “كەشتییەكی هەواڵگریی چینی لە دووریی پێنج تا 10 میل (8 بۆ 12 كیلۆمەتر) لە فڕۆكەهەڵگری (كارل ڤینسۆن) بەدیكراوە، باوەڕوایە كەشتییەكە زانیاریی هەواڵگری كۆكردووەتەوە دەربارەی توانا و پلانەكانی ئەمریكا”.
رۆژنامەكە روونیكردەوە، بڵاوپێكردنی فڕۆكەهەڵگرەكان لەمكاتەدا هەڵگری پەیامێكەوە بەوەی “سوپای ئەمریكا چاوپۆشی لە ناوچەكانی زەریای هندی و هێمن ناكات، لەسایەی ناكۆكییەكان لە رۆژهەڵاتی ناوەڕاستدا”.
