كۆنگرێسی ئەمریكا بڕیاریدا لە بودجەی حكومەتی فیدراڵیدا، بە بڕی 14 ملیار دۆلار هاوكاریی ئۆكرانیا بكات.
هاوكارییەكە بۆ دابینكردنی چەك و كەرەستەی سەربازییە بۆ هێزەكانی ئۆكرانیا، بڕیارەكە لەلایەن ئەنجومەنی پیرانی ئەمریكاوە بە زۆرینەی دەنگ پەسەندكراوە.
پڕۆژەیاسای بودجەی حكومەتی فیدراڵیی ئەمریكا لە كۆنگرێسەوە دەنێردرێت بۆ جۆ بایدن سەرۆكی ئەمریكا و پەسەندیدەكات و دواتر ڕاستەوخۆ دەخرێتە بواری جێبەجێكردنەوە.
دوای پەرەسەندنی جەنگی ئۆكرانیا و چڕبوونەوەی هێرشەكانی سوپای ڕوسیا بۆسەر ئەو وڵاتە، ڤۆلۆدیمێر زیلینسكی سەرۆكی ئۆكرانیا چەند جارێك داوای لە ئەمریكا و ئەوروپا كردووە چەكی پێبدەن.
