بەشی رۆژهەڵاتی بەڕێوەبەرایەتیی دابەشکردنی کارەبای سلێمانی ئاگاداری دانیشتووانی گوندەکانی سنووری بەڕێوەبەرایەتییەکەیان دەکات و دەڵێت، “هەر هاوڵاتییەک پێوەری نەبێت کارەباکەی دەبڕدرێت”.
لە راگەیەندراوێکدا بەڕێوەبەرایەتیی دابەشکردنی کارەبای سلێمانی/رۆژهەڵات ئاماژە بەوە دەکات، “هەر هاوڵاتییەکی دانیشتووی گوندەکانی سنووری بەڕێوەبەرایەتییەکەمان هاوبەشی کارەبای نییە سەردانی بەڕێوەبەرایەتییەکەمان بکات بۆ دەست پێ کردنی مامەڵەی هاوبەشیکردن و وەرگرتنی پێوەری کارەبا”.
دەشڵێت، “بۆ ئەو مەبەستە ئێستا لیژنەکانی پشکنین دەگەڕێن و هەر هاوڵاتییەک پێوەری نەبێت کارەباکەی دەبڕدرێت”.
