دەزگای ئاسایشی هەرێم بڵاویکردەوە، هێزەکانی بەڕێوەبەرایەتی ئاسایشی پارێزگای سلێمانی لەماوەی کەمتر لە 24 کاتژمێر، توانیان تۆمەتباری رووداوی تەقەکردن لە هاوڵاتییەک دەستگیربکەن.
لە راگەیەندراوەکەی دەزگای ئاسایشی هەرێمدا ئەوەش هاتووە، رووداوەکە لە گەڕەکی ئەقاری سلێمانی 30ی1 کاتژمێر 12:45ی شەو روویداوە و پاش ئەوەی هێزەکانی ئاسایش چوونەتە شوێنی رووداوەکە، هاوڵاتییەک بریندارکرابوو، دەستبەجێ لێکۆڵینەوە و بەدواداچوون ئەنجامدرا و توانرا تۆمەتباری سەرەکی رووداوەکە دەستگیربکرێت.
ئاماژە بەوەشکراوە، لە ئێستادا تۆمەتبار فەرمانی دادوەری لێکۆڵینەوەی ئاسایش راگیراوە.
