سەرۆک کۆمار و سەرۆک وەزیرانی عێراق کۆبوونەوە و جەختیان لەوەکردەوە نابێت عێراق ببێتە گۆڕەپانی یەکلاکردنەوەی ململانێکانی ناوچەکە و گرنگیی ئەوەشیان دووپاتکردەوە کە دەبێت سەقامگیری و ئاسایشی عێراق پارێزراو بێت.
ئەمڕۆ دووشەممە، نوسینگەی رۆژنامەوانی محەمەد شیاع سودانی سەرۆک وەزیرانی عێراق بڵاویکردەوە، لەتیف رەشید، سەرۆک کۆماری عێراق سەردانی نوسینگەی سەرۆک وەزیرانی عێراقی کردووە و تیایدا گفتوگۆی دۆخی عێراق و ناوچەکە کراوە و پێویستی کارکردن دووپاتکراوەتەوە بۆ بەردەوامیدان بە سەقامگیری و ئاسایش و سەروەری.
هاوکات، ئاماژە بەوەشکراوە دۆخی گشتی وڵات تاوتوێکراوە و جێبەجێکردنی کارەکانی حکومەت و بەرەوپێشچوونی پلان و پڕۆژەکانی حکومەت بۆ داهاتوو، کە دەبنە هۆی خۆشگوزەرانی بۆ هاوڵاتییانی عێراق باسکراون.
