لە ئۆپەراسیۆنێكی هێزەكانی بەڕێوەبەرایەتیی گشتیی دژەتیرۆر، توانرا بازرگانێكی ماددەی هۆشبەر دەستگیربكرێت،و دەستبگیرێت بەسەر بڕی 17كیلۆ و 700 گرام لە ماددەی هۆشبەری جۆری كریستاڵ.
بەڕێوەبەرایەتیی گشتیی دژەتیرۆر پاڵپشت بە زانیاریی وردی هەواڵگری، لە ئۆپەراسیۆنێكی هێزەكانی بەڕێوەبەرایەتیی گشتیی دژەتیرۆر، توانرا بازرگانێكی ماددەی هۆشبەر دەستگیربكرێت، هەروەها دەستبگیرێت بەسەر بڕی 17كیلۆ و 700 گرام لە ماددەی هۆشبەری جۆری كریستاڵ.
دژەتیرۆر ئاماژەی بۆ ئەوەش كردووە، تۆمەتباری دەستگیركراو لەدایكبووی ساڵی 1989، پێشینەی تاوانی هاوشێوەی هەبووە و چەند جارێكی دیكە بازرگانی بە ماددەی هۆشبەرەوە كردووە و دوای دەستگیركردنی، رادەستی یاسا كرا بە مەبەستی سزادانی.
