عومرەکارێکی تەمەن 60 ساڵانی کورد، دوای مانەوەی بۆ ماوەی دوو رۆژ لە نەخۆشخانەیەکی شاری مەککە گیانیلەدەستدا.
عومرەکارەکە ناوی شەفیقە ئیبراهیم حسێن_ە و دانیشتووی پارێزگای دهۆکە، دوای ئەوەی لەگەڵ کوڕەکەیدا بەمەبەستی بەجێهێنانی عومرە سەردانی وڵاتی سعودییە دەکەن و ئەرکە ئاینییەکانیان تەواو دەکەن دوو رۆژ لەمەوبەر نەخۆش دەکەوێت و لە نەخۆشخانەی شا فەیسەڵی شاری مەککە دەمێنێتەوە.
ئەو عومرەکارە شەوی رابردوو هەر لە نەخۆشخانە گیانیلەدەستدا و بڕیارە لە گۆڕستانی شاری مەککە بەخاکبسپێردرێت.
لە سەرەتای ئەمساڵەوە تا ئێستا ئەمە یەکەم عومرەکاری کوردە لە وڵاتی سعودیە گیانیلەدەستدابێت.
