حکومەتی ژاپۆن مەزەندەی کردووە قەبارەی ئەو زیانانەی لە ئەنجامی بوومەلەرزە بەهێزەکەی ١ی کانوونی دووەمەوە، نزیکەی 17 ملیار دۆلار قەبارەی زیانەکەی بووە.
بەرپرسێکی حکومەتی ژاپۆن قسەی بۆ ئاژانسی فرانس پرێس کردووە و وتویەتی، بەهۆی ئەو بوومەلەرزەیەی ناوەڕاستی ژاپۆنی گرتەوە و زیاتر لە ٢٣٠ کەس گیانیانلەدەستدا، هەڵسەنگاندن بۆ زیانەکانی باڵەخانە و ژێرخانی رێگاوبانەکان، فڕۆکەخانەکان، تۆڕەکان لەچەند پارێزگایەکی وڵاتەکە بە نزیکەیی 17 ملیار دۆلارە.
باسی لەوەشکردووە، دەکرێت بڕی زیانەکان زیادبکەن چونکە فراوانن و هێشتا لە پرۆسەی هەڵسەنگاندنی زیانەکاندان بەڵام پێشبینی دەکرێت کۆی زیانی بوومەلەرزەکە زۆر کەمتر بێت لە بوومەلەرزەکەی ساڵی 2011.
