بەهۆی هێرشەكەی شەوی رابردووی سەر كێڵگەی غازی كۆڕمۆر لە سنووری چەمچەماڵ، پڕۆسەی بەرهەمهێنان لە كێڵگەكە بە تەواوی راگیراوە.
كۆمپانیای داناگاز كە سەرقاڵی وەبەرهێنانی غازە لە كۆڕمۆر راگەیەندراوێكی بڵاوكردەوە و دەڵێت، “بەهۆی هێرشەكەی شەوی رابردووی سەر كێڵگەی غازی كۆڕمۆر لە سنووری چەمچەماڵ پڕۆسەی وەبەرهێنان لە كێڵگەی غازی كۆڕمۆر بە تەواوی راگیراوە و تیمەكانیش بەردەوامن لە كاركردن بەمەبەستی ئاساییكردنەوەی دۆخەكە”.
شەوی رابردووش وەزارەتی كارەبای هەرێم راگەیەندراوێكی بڵاوكردەوە و ئاماژەی بۆ ئەوە كرد، بەهۆی كەوتنەوەی ئاگر لە كێڵگەی غازی كۆڕمۆر بەرهەمهێنانی كارەبا راگیرا.
