بەڕێوەبەرایەتیی كەشناسیی هەرێم رایدەگەیەنێت، سبەینێ نمەباران زۆربەی ناوچەكانی هەرێمی كوردستان دەگرێتەوە و لە ئامێدی، بامەڕنێ و چامانكێ و شیلادزێش بەفردەبارێت.
بەپێی راگەیەندراوێكی بەرێوەبەرایەتیی كەشناسیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، رۆژی هەینی ئاسمانی هەرێمی كوردستان هەور دەبێت لە كاتەكانی بەیانیدا نمەباران لە رۆژئاوای هەرێم دەستپێدەكات و دواتر بەفر و باران بەرەو ناوچە شاخاوییەكانی باكووری هەرێم دەڕوات و لە سەنتەری پارێزگای دهۆك باران دەبارێت و لە كاتەكانی ئێوارەدا نمەباران زۆربەی ناوچەكانی هەرێم دەگرێتەوە و لە هەندێك ناوچەی دهۆك وەكو ئامێدی، بامەرنێ، چامانكێ و شیلادزی ئەگەری بەفربارین هەیە.
بڕی بارانی 12 كاتژمێری رابردووی هەندێك لە ناوچەكانی هەرێم بە / ملم
سلێمانی 4.2
ئامێدی 5.2
بامەرنێ 0.2
دەربەندیخان 3.2
دوكان 0.4
حاجی ئۆمەران 2.4
هەڵەبجە 2.0
هەڵشۆ 2.2
میدان 2.2
پێنجوێن 6.8
مێرگەسور 4.4
سیدەكان 6.2
