لە پەیامێکی پیرۆزباییدا بافڵ جەلال تاڵەبانی، سەرۆکی یەکێتیی نیشتمانیی کوردستان رایگەیاند، “بەبۆنەی جەژنی سێ شەوەی (یارانی قەوڵتاس) پیرۆزباییەكی گەرم لە خوشك و برایانی كاكەیی دەكەم و هیوای جەژنێكی پڕ لە خۆشی و كامەرانییان بۆ دەخوازم”.
سەرۆکی یەکێتی ئاماژەی بەوەشکرد، “کاکەییەکان پێکهاتەیەکی رەسەنی كوردستانن و بەشێكی گرنگی مێژووی خەبات و تێكۆشانن لەپێناو گەلەكەمان، یەكێتیی نیشتمانیی كوردستان ئەو مێژووە درەوشاوەیە بەرز دەنرخێنێت و بە شانازییەوە لە رۆڵی كاریگەرییان لە قووڵكردنەوەی گیانی تەبایی و پێكەوەژیان دەڕوانێت. وەك هەمیشەش پاڵپشت و پشتیوان دەبێت لەپێناو بەدیهێنانی ماف و داوا رەواكانیاندا”.
