بەڕێوەبەرایەتیی کەشناسیی هەرێم بڵاویکردەوە، ئەمڕۆ و سبەینێ پلەکانی گەرما زیاتر دادەبەزن و بەفر و بارانبارین بەردەوام دەبێت.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، ئەمڕۆ چوارشەممە ئاسمان بەگشتی هەور دەبێت، لەگەڵ بارانبارین لەکاتی جیاجیادا، ناوچە شاخاوییەکان بارانی مامناوەندی دەبێت و ناوچە سنووریەکان بەفرێکی کەمی دەبێت، سەنتەری پارێزگاکان تا کاتەکانی دواینیوەڕۆ ئەگەری تاوە بارانی کەم کەمی هەیە، رێژەی بارانبارین لە ئەمڕۆدا لەم ناوچانە کەمێک زیاتر دەبێت بەتایبەت لە ( قەڵادزێ، دوکان، رانیە، کۆیە و بەشی باکووری رۆژهەڵاتی سەنتەری پارێزگای هەولێر) لەئێوارەدا کاریگەریی باران کەم دەبێتەوە.
ئاشکراشیکرد، سبەینێ پێنجشەممە ئاسمان نیمچە هەور و هەوری تەواو دەبێت، بەفر لەسەر ناوچە سنووریەکان و بەشێک لە لووتکەی شاخە بەرزەکان دەبارێت، لە هەندێک کاتدا لەناوچە جیاجیاکان نمە بارانی کەم دەبارێت لە سنووری پارێزگای دهۆک و هەولێر و کەرکوک و سنووری ناوچە جیاجیاکانی پارێزگای هەڵەبجە و سلێمانی ئاستی دابارینی زیاتر دەبێت.
