دوای نزیکەی 20 کاتژمێر لە شکانی بۆرییەکی گواستنەوەی غاز لە گوندی قزلیاری پارێزگای کەرکوک توانرا لێچوونی غازەکە کۆنتڕۆڵبکرێت.
دوێنێ سێشەممە بۆرییەکی غاز لە سنووری گوندی قزلیاری نێوان ناحیەی یایچی و کەیوان شکا و لێچوونێکی زۆری غازی بۆرییەکەی لێکەوتەوە و بەو هۆیەوە گوندەکە چۆڵکرا.
رووداوەکە بەهۆی کارکردنی شۆفڵێکەوە لە ناوچەکە و بەرکەوتنی بۆرییەکە روویداوە، بەهۆیەوە شۆفێری شۆفڵەکە گیانیلەدەستدا و دوو کەسی دیکەش برینداربوون.
بەپێی راگەیەندراوی کۆمپانیای نەوتی باکوور، لە ئێستادا تیمەکانیان سەرقاڵی خستنەوەگەڕی بۆرییەکەن.
